Вс02252018

На Лідчыне адбыўся раённы конкурс традыцыйных страў "Спазнай смак сваёй кухні" (фота)

1Гультаі з грыбамі, шчупак "па-графску", кнышы і скавароднік, а таксама некалькі дзясяткаў унікальных рэцэптаў, водар смачных страў, незвычайныя гісторыі з мінулага... Трэці раз на Лідчыне адбыўся раённы конкурс традыцыйных страў "Спазнай смак сваёй кухні", які збірае не толькі калектывы клубных устаноў рэгіёна, але і шматлікіх гасцей з навакольных населеных пунктаў і іншых гарадоў.

У мінулым годзе ўбачыць разнастайнасць кулінарных вынаходніцтваў можна было ў аграгарадку Дворышча. Але ўжо сёння эстафету пераняла Беліца. З самага рання ў мясцовай клубнай установе гучалі песні, а ля сталоў, накрытых вытканымі абрусамі і ручнікамі, завіхаліся жанчыны. Кожная прывезла з сабой незвычайныя рэцэпты страў, якія збіраліся ў вёсках роднай мясцовасці. Над глінянымі збаночкамі, патэльнямі і чыгункамі падымалася густая пара, а ад водараў, якія пранікалі ў кожны куток клубнай установы, галава ішла кругам. Хацелася паспрабаваць усё і адразу. Ветлівыя гаспадыні, рэкламуючы прысмакі, толькі распальвалі апетыт: запрашалі пакаштаваць стравы і нават крыўдзіліся, калі людзі трымаліся за жывот, бо наеліся.

– Тэма фестывалю гэтага года – Вялікі пост, – расказвае карэспандэнту “Лідскай газеты” загадчыца Беліцкага Дома культуры Тарэса Шаўлюк. – Як вядома, ён прыўносіць у наша жыццё цэлы шэраг абмежаванняў. Даводзіцца адмаўляцца ад многіх звыклых прыхільнасцяў і ў ежы. У асноўным на кухні, як і ў пару нашых бабуль, гаспадынямі выкарыстоўваюцца рыба, бульба, капуста, гарбуз, кабачкі, грыбы, фасоль, крупы і саленні. Можа здацца, што кухарыць няма з чаго. Аднак гаспадыні нашага раёна нават посныя стравы могуць прыгатаваць так, каб радавалі выдатным смакам і разнастайнасцю.

Не згадзіцца з гэтымі словамі было цяжка. Сталы літаральна ламіліся ад арыгінальных, карысных, разнастайных, а галоўнае – простых у падрыхтоўцы страў. Посная каўбаса, дранікі, бліны, салаты, заліўное, памачуха, саленні, квас – усяго не пералічыш. Нялёгка прыйшлося членам журы. Кожнаму прысутнаму было прапанавана ацаніць знешні выгляд страў, паспрабаваць іх на смак, а затым зрабіць выбар. Гэта аказалася не так проста.

2

– Не верце таму, хто скажа, што посная ежа аднастайная, – усміхаючыся, заўважыла культарганізатар Тарноўскага Дома культуры Святлана Антонік. – Яна разнапланавая і багатая на смак. І каб даказаць гэта, мы ўзялі і зазірнулі ў скарбонку посных рэцэптаў графскага кухара Андрэя Багданца. Граф Маўрас валодаў не толькі маёнткам, вёскамі, але і ўласным млыном, на які прывозілі ўраджай з навакольных палёў. На кухні графскага кухара мука прысутнічала ў розных відах. Была пшанічная, жытняя, грэцкая, прасяная, аўсяная і нават гарохавая. Вось, напрыклад, бліны сялянскія «Вясёлка». У іх склад уваходзіць грэцкая, аўсяная, пшанічная мука. Фаршыраваны шчупак «па-графску» ўключае начыненне адразу з трох розных каш, «бульбяшыкі па-тарноўску» прадстаўлены з капустай і грыбамі. Цікавая страва – гарохавыя камы «Мядзвежы ласунак». Шостага красавіка жыхары навакольных вёсак спраўлялі Камаедзіцу. Лічылася, што ў гэты дзень прачынаўся касалапы жыхар лясоў. У гонар свята гаспадыні пяклі камы і частавалі суседзяў.

На лідскай зямлі пабудаваў сабе палац пан Дамбавецкі. Зараз у ім знаходзіцца філіял «Бердаўскі культурна-дасугавы цэнтр», у якім працуе сям'я Парфенчыкаў. Тое, што ён любіў паесці, не легенда, а факт. Але ў Вялікі пост змяншаў апетыты.

– На стале – пятнаццаць страў, – распавядаюць Аляксандр і Інэса Парфенчыкі. – Кожны рэцэпт унікальны ў сваім родзе. У дні посту панская сям'я частавалася супам «Квасок грыбны», чырвоным, зялёным, сінім кісялямі. Любіла цыбульныя катлеты «Спадманухі», кнышы з бульбай, рыбную памачуху. Ўключаўся ў меню і скавароднік (спачатку пяклі на кіслым цесце хлеб, потым кавалкі гэтага хлеба абсмажвалі, націралі часнаком). Кожны рэцэпт просты, але заслугоўвае ўвагі.

3

Як у Канюшанах гатавалі ды ў пост пад'ядалі, распавялі гаспадынькі з Ходараўскага сельскага клуба-бібліятэкі. Кнышы ды квас 86-гадовай жыхаркі вёскі Зінаіды Дзянішчык прыйшліся па густу ўсім без выключэння гасцям. Немагчыма было прайсці міма добразычлівых спадарынь з Голдава, Гудаў, Дзітвы, Мажэйкава, Крупава, Ганчароў, Дворышча, Мінойтаў, Ваверкі, Пескаўцаў, Першамайскага, Дуброўні, Беліцы, Ёдак. Усім падворкам смела можна было ставіць самую высокую адзнаку. А пакуль адны госці фестывалю частаваліся, другія знаёміліся з выставай дэкаратыўна-прыкладнога мастацтва і работамі мясцовых умельцаў. Неўзабаве ўсіх запрасілі заняць месцы ў глядзельнай зале. З хвіліны на хвіліну тут павінен быў пачацца канцэрт, які падрыхтавалі артысты Мінойтаўскага культурна-дасугавага цэнтра, а таксама Ганчарскага і Ваверскага Дамоў культуры.

Нарэшце доўгачаканы момант – падвядзенне вынікаў і ўзнагароджанне пераможцаў – наступіў. І калі для мяне ўсё было відавочна (усім – першыя месцы!), то ў ацэнцы страў меркаванне журы разышлося. Гарачыя спрэчкі спынілі галасаванне і колькасць набраных балаў. У выніку першае месца ў раённым фестывалі-конкурсе "Спазнай смак сваёй кухні" дасталося філіялу “Ваверскі Дом культуры”, другое – філіялу “Бердаўскі культурна-дасугавы цэнтр”, трэцяе – філіялу “Едкаўскі Дом культуры".

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

4

Добавить комментарий


Защитный код
Обновить

Наши блоги: 

Из личного блокнота

petrul
Блог Людмилы Петрулевич

Открытый микрофон

pin
Блог Жанны Пиневской

Строчки без точки

rus
Блог Виктории Русилевич

Между делом

kudr
Блог Татьяны Кудряшовой

Житейский перекресток

Каральчук
Блог Татьяны Каральчук